Magazeti ya Leo jumanne ya tarehe 06/09/2016

Magazeti ya Leo jumatatu ya tarehe 05/09/2016

TAARIFA KWA UMMA - ILULA

                                             

KIKOTI EDUCATION CENTRE ILULA – MADIZINI

             TAARIFA KWA UMMA

Mkuu wa kituo cha tuition cha KIKOTI EDUCATION CENTRE  kwa niaba ya uongozi wa TUITION CENTRE  na watumishi wote, anapenda kukanusha taarifa iliyoenezwa na mwalimu wa kituo cha MWALIMU EDUCATION CENTRE-Diginayo Kwamba walimu wake wote wameondoka kuelekea masomoni Pamoja na maneno ambatishi na tunaomba endeleeni kuleta na kuandikisha wanafunzi kama kawaida na hatua zaidi za kisheria zinaendelea kuchukuliwa na wanasheria wetu kujua lengo la mwalimu huyo: lakini pia tunaomba umma wa wanailula utambue mambo yafuatayo kutoka mmliki wa kituo hicho kinachojiita MWALIMU EDUCATION CENTRE:

- Hana madarasa ya kufundisha hivo analazimika kufundishia wanafunzi kwenye ukumbi ambao ulikua unatumika kama bar au sehemu ya kuuzia vinywaji ambayo ni kinyume na sheria na taratibu za wizara ya elimu 

- Pia mmliki huyu ni mtumishi wa umma anayepaswa kuwepo kazini mda wote ambapo wanafunzi wenu watakuwa wakipata elimu kwenye ukumbi huo.

- Ameshindwa kufuata sheria na taratibu kwa kusambaza taarifa za uongo kwa wanafunzi alipokuwa akifanya promosheni kwenye shule mbalimbali tena mdaaliopaswa kuwepo kazini yaani kati ya saa nne asubuhi mpaka saa tisa na nusu 

Kama kituo tumefanya mambo yafuatayo,

- Tumemwandikia barua Afisa wa elimu wilaya yenye kumbukumbu no K.E.S/0012/2016 kumjulisha anachokifanya mtumishi wao na kumtaka kupitia Mwajiri wake ambaye ni mkurugenzi kufanya yafuatayo:

• kueleza sababu za kusambaza taarifa za uongo  kwa maandhishi.
• mkurugenzi kutathimini kuona kama ni haki kwa mwajiri wake kufanya tuition mda wa kazi tena katika mazingira hatarishi.
• mwisho tumemtaka mwalimu huyo kufuta kauli hizi kupitia vyombo hivi vya habari kama tulivofanya sisi.

MWISHO:Tunapenda kuomba radhi kwa wazazi wote mliokuwa mmekwisha kuandisha wanafunzi toka mwezi wa nane kwa hofu mlioipata mda wote na tunaendelea kuwakaribisha wazazi wote kuleta wanafunzi KIKOTI EDUCATION CENTRE -ILULA MADIZINI MAJENGO YA KANISA KATORIKI aweze kupata elimu bora kutoka kwa walimu bora

  Our moto: education for life

MWANASHERIA                                         MKUU K.E.C

 ..........

Alfonce jackson kisoma                                Misael Benitho kikoti

NAKALA,                                                  Tarehe 29/08/2016

mkuu wa Mwalimu Education,           

Mtendaji wa kijiji cha Dinginayo,

Afisa elimu wilaya ya kilolo,

Katibu tawala wilaya na mkoa(DAS&RAS)

Vyombo vya habari Iringa.

Magazeti ya leo jumapili ya tarehe 04/09/2016

Afikishwa Mahakamani Kwa Kumuita Rais Magufuli ni Kilaza

ELIZABETH Asenga (40), mkazi wa jijini Dar es Salaam amepandishwa kortini jana katika Mahakama ya Hakimu Mkazi Kisutu kwa tuhuma za kuandika maneno ya kumkashifu Rais John Magufuli kupitia mtandao wa kijamii wa What’s App.

Akisomewa mashtaka yake na Leonard Chalu, wakili wa serikali, mbele ya Hakimu Huruma Shahidi, mwanamama huyo, alidaiwa kufanya kitendo hicho kilicho kinyume na Sheria ya Makosa ya Mtandao ya mwaka 2015.

Wakili Chalu alidai kuwa, mnamo tarehe 06 Agosti mwaka huu, mtuhumiwa huyo aliandika kwenye mtandao wa what’s App ujumbe uliosomeka;

“….Rais kilaza kama huyu wetu, angalia anampa Lissu umashaghuli… f****l** lile, kwanza picha yake ukiweka ofisini ni nuksi tupu na ukiamka asubuhi ukakutana na picha yake, siku yako inakuwa ina mkosi mwanzo mwisho.”

Hata hivyo, mshitakiwa Elizabeth, alikana mashtaka hayo huku wakili wa serikali akidai kuwa, upelelezi wa shauri hilo bado haujakamilika.

Mtuhumiwa alipewa dhamana yenye masharti yanayohitaji wadhamini wawili huku kila mmoja akitakiwa kusaini hati ya shilingi 3 millioni.

Kesi hiyo imeahirishwa na inatarajia kutajwa tena mnamo tarehe 22 Septemba, mwaka huu.

TCU Yatangaza Kuanza Udahili Awamu ya PILI Kwa Wanafunzi wanaojiunga Vyuo Vikuu Ambao Wamekosa Nafasi Kwenye Awamu ya Kwanza

Tunapenda kuutangazia Umma kuwa tulifunga mfumo wa pamoja wa udahili tarehe 31/08/2016 saa sita usiku ili kuchakata maombi ya waombaji waliofanikiwa kuomba udahili kwa mwaka wa masomo 2016/2017.

 

Hata hivyo kutokana na wengine kushindwa kufanikiwa kutokana na sababu mbali mbali, Tume inatangaza kuwa itafungua maombi kwa awamu ya pili kuanzia tarehe 12 hadi 23 Septemba 2016 ili kuruhusu makundi yafuatayo kuomba udahili.

1. Waombaji watakaokuwa wamekosa nafasi kwenye awamu ya kwanza
2. Waombaji wa kidato cha Sita walioshindwa kuomba katika awamu ya kwanza
3. Waombaji wenye vigezo vya Stashahada ambao walishindwa kuomba kutokana na matokeo yao kuchelewa kufika NACTE kwa wakati,
4. Waombaji ambao wamemaliza mitihani ya “Cambridge” mwaka 2016 na matokeo yao yameshatoka,
5. Waombaji waliofaulu mitihani ya RPL,
6. Waliokuwa wanafunzi wa vyuo vikuu watakao kuwa na uthibitisho toka vyuo vyao vya awali.

 

Baada ya hapo Tume haitaruhusu tena maombi ili kuruhusu taratibu zingine za kiudahili kuendelea kwa ngazi ya Bodi ya Mikopo na vyuoni.

 

Asanteni

Imetolewa na 

Prof. Eleuther Mwageni

 Kaimu Katibu Mtendaji

Tume ya Vyuo Vikuu Tanzania 

02 Septemba 2016