Magazeti ya Leo jumamosi ya tarehe 30/04/2016

Headline za magazeti haya ya Leo zinaletwa kwenu na mtandao wa tigo na New mwalimu education centre : pata line ya tigo pata watsup ya bure

Pata habari ukiwa na kikoti m blog mwenye waandishi makini na wenye uwezo katika kutafuta taarifa

Rufaa kupinga kuachiwa Zombe na wenzake kusikilizwa leo

Imeandikwa na Flora Mwakasala

Aliyekuwa Mkuu wa Upelelezi wa Mkoa wa Dar es Salaam (RCO) Kamishna Msaidizi wa Polisi (ACP) Abdallah Zombe na askari wenzake wanane wakiwa mahakamani wakati wa kesi iliyokuwa ikiwakabili ya mauaji ya wafanyabiashara wa Mahenge.

Na Flora Mwakasala MAHAKAMA ya Rufaa leo inatarajiwa kusikiliza rufaa ya kupinga kuachiwa huru kwa aliyekuwa Mkuu wa Upelelezi wa Mkoa wa Dar es Salaam (RCO) Kamishna Msaidizi wa Polisi (ACP) Abdallah Zombe na askari wenzake wanane waliokuwa wanakabiliwa na mashitaka ya mauaji.
Rufaa hiyo inatarajiwa kusikilizwa mbele ya jopo la majaji watatu likiongozwa na Jaji Bernard Luanda, wengine ni Jaji Sauda Mjasiri na Jaji Semistocles Kaijage. Mkurugenzi wa Mashitaka (DPP), alikata rufaa mwaka 2013, akipinga hukumu ya Mahakama Kuu Kanda ya Dar es Salaam iliyowaachia huru Zombe na wenzake, baada ya kuwaona hawana hatia katika kesi ya mauaji ya watu wanne iliyokuwa inawakabili.
Katika rufaa hiyo, DPP anadai kuwa Jaji Salum Massati alikosea kuwaachia huru washitakiwa hao kwa sababu kulikuwa na ushahidi wa kutosha kuwatia hatiani wote. Mbali na Zombe, wajibu rufaa wengine ni ASP Christopher Bageni, ASP Ahmed Makelle, Konstebo Jane Andrew, Konstebo Emanuel Mabula, Konstebo Michael Shonza, Koplo Abeneth Salo, Koplo Rajabu Bakari na Koplo Festus Gwabisabi.
Katika kesi ya msingi inadaiwa Januari 14, 2006, katika msitu wa Pande uliopo Mbezi Luis, Dar es Salaam Zombe na wenzake waliwaua kwa makusudi wafanyabiashara watatu wa madini kutoka Morogoro, Mathias Lunkombe, Sabinus Chigumbi na ndugu yake Ephrahim Chigumbi, pamoja na dereva teksi Juma Ndugu.
Baada ya kusikiliza kesi hiyo, Agosti 17, 2009, Jaji Massati aliwaachia huru washitakiwa kwa kuwa upande wa Jamhuri ulishindwa kuthibitisha mashitaka dhidi yao bila kuacha shaka na Mahakama ikiwaona hawana hatia kwa makosa yaliyokuwa yanawakabili.

Kilombero watafakari ongezeko la maji

Imeandikwa na John Nditi, Morogoro

SERIKALI ya Wilaya ya Kilombero, Mkoa wa Morogoro imejipanga kukabiliana na changamoto zitakazojitokeza endapo kivuko cha Mv Kilombero II kitasimama kutoa huduma kutokana na maji katika mto Kilombero kufikia kiwango cha ujazo wa mita 90 kutoka usawa wa bahari.
Mkakati huo unatokana na kuendelea kunyesha kwa mvua za masika hali itakayosababisha mto Kilombero kujaa maji na kukifanya kivuko hicho kusitishwa kuendelea kufanya kazi zake.
Mkuu wa Wilaya ya Kilombero, Lephy Gembe alisema hayo jana wakati akizungumza na waandishi wa habari nje ya kikao cha Afya ya Msingi Mkoa kilichofanyika mjini Morogoro.
“Hadi leo (jana) maji katika mto Kilombero yamefikia ujazo wa mita 60 kutoka usawa wa bahari na ili Kivuko cha Mv Kilombero kisimame kufanya kazi ni pale ujazo wa maji utakapofikia mita 90 kutoka usawa wa bahari,” alisema Gembe na kuongeza: “Kwa sasa bado kiwango cha ujazo wa maji mto Kilombero ni mita 60 kutoka usawa wa bahari na kufanya Kivuko cha Mv Kilombero II kiendelee utoaji wa huduma na tunaomba mvua hizi zisizidi kupita kiwango hicho.”
Alisema Kivuko cha Mv Kilombero II bado kinaendelea kufanya kazi za uvushaji wa abiria, mizigo na magari kulingana na taratibu zilizowekwa.

Rais Magufuli amtumbua Mkurugenzi Mkuu TIC

Imeandikwa na Mwandishi Wete

Rais Dk John Magufuli.

RAIS John Magufuli ametengua uteuzi wa Mkurugenzi Mtendaji wa Kituo cha Uwekezaji Tanzania (TIC), Juliet Kairuki kwa sababu mbalimbali, ikiwemo kutochukua mshahara wake tangu alipoteuliwa mwaka 2013.
Kwa mujibu wa Katibu Mkuu wa Wizara ya Viwanda, Biashara na Uwekezaji, Profesa Adolf Mkenda, Dk Magufuli ametengua uteuzi huo rasmi kuanzia Aprili 24, mwaka huu. Profesa Mkenda alisema pamoja na mambo mengine, hatua hiyo imechukuliwa na Dk Magufuli baada ya kupata taarifa kuwa mkurugenzi huyo alikuwa hachukui mshahara wa serikali tangu alipoajiriwa, jambo lililozua maswali.
Aidha, kwa mujibu wa Profesa Mkenda, endapo Kairuki atakuwa tayari kuendelea kufanya kazi na Serikali ya Awamu ya Tano, atapangiwa kazi nyingine. Alisema kutokana na hatua hiyo, tayari mchakato wa kumpata Mkurugenzi mpya umeanza mara moja.

Spika apangua tena Kamati za Bunge

Imeandikwa na Mwandishi Wetu, Dodoma

Spika wa Bunge, Job Ndugai.

SPIKA wa Bunge, Job Ndugai amepangua tena Kamati za Kudumu za Bunge huku akiagiza Ofisi ya Katibu wa Bunge kuratibu uchaguzi wa kamati sita. Kwa mujibu wa Waraka Na 04/2016 wa Mabadiliko ya wajumbe wa Kamati za Kudumu za Bunge uliotolewa jana hapa, Spika pia amefanya mabadiliko ya wajumbe wa Kamati za Kudumu za Bunge.
Spika Ndugai alisema Ibara ya 96 ya Katiba ya Jamhuri ya Muungano wa Tanzania, imelipa uhalali Bunge kuunda Kamati za Bunge za namna mbalimbali kadri itakavyoona inafaa kwa ajili ya utekelezaji bora wa madaraka yake.
Alisema pia kwa mamlaka aliyopewa chini ya Kanuni ya 116 (3) na (5) ya Kanuni za Kudumu za Bunge, Toleo la Aprili 2016, amelazimika kufanya mabadiliko ya wajumbe wa Kamati za Kudumu za Bunge.
Spika alisema sababu kubwa iliyomfanya kufanya mabadiliko hayo ni kuhakikisha kuwa kila mbunge ikiwa ni pamoja na wabunge wanne wapya walioapishwa Aprili 19, anakuwa mjumbe kwenye kamati mojawapo ya Bunge.

CAG: Walimu ‘vihiyo’ waongezeka nchini

Imeandikwa na Ikunda Erick, Dodoma.

MDHIBITI na Mkaguzi Mkuu wa Hesabu za Serikali (CAG), Profesa Mussa Assad

RIPOTI ya Ukaguzi Maalumu Kuhusu Kiwango cha Ubora wa Elimu nchini inaonesha kuwa idadi ya walimu wa sekondari nchini wasio na sifa za ualimu imeongezeka kulingana na ripoti ya Mdhibiti na Mkaguzi Mkuu wa Hesabu za Serikali (CAG).
Katika ripoti hiyo iliyofanywa na Ofisi ya Mdhibiti na Mkaguzi Mkuu wa Hesabu za Serikali (CAG) na kutolewa mapema wiki hii mjini Dodoma, inaonesha kuwa idadi ya walimu hao imeongezeka kutoka walimu 963 mwaka 2014 hadi kufika waalimu 2,108 mwaka jana. Ilieleza kuwa sababu kubwa ya kuwa na walimu wasio na sifa zaidi ya moja imetokana na Ofisi ya Waziri Mkuu (wakati huo), Tawala za Mikoa na Serikali za Mitaa (TAMISEMI) kushindwa kuwa na mpango wa kuwaendeleza walimu waliowaajiri.
Ripoti maalumu hiyo ya ubora wa elimu nchini imebaini kuwa matarajio ya wengi ilikuwa ni kuona idadi ya walimu wasio na sifa ikipungua kutokana na wengi wao kustaafu na wengine wapya kuajiriwa ambao wana sifa, lakini cha ajabu idadi hiyo imeongezeka.

Magazeti ya Leo ijumaa ya tarehe 29/04/2016

Magazeti haya ya Leo yanaletwa kwako wewe msomaji Kwa hisani kubwa ya New Mwalimu Education Centre wanaotoa elimu ya tuition kuanzia kidato cha kwanza mpaka cha sita na mtandao wa simu za mkononi wa tigo pata Facebook na Watsup ya bure 

Makatibu tawala wa mikoa 10 waapishwa

Imeandikwa na Anastazia Anyimike

Katibu Mkuu Kiongozi, Balozi John Kijazi.

RAIS John Magufuli amewaapisha Makatibu Tawala wa Mikoa wapya 10 walioteuliwa wiki hii tayari kuanza kazi. Makatibu hao wameapishwa jana Ikulu jijini Dar es Salaam sambamba na kula kiapo na kutia saini Kiapo cha Uadilifu kwa Viongozi wa Umma walioufanya mbele ya Kamishna wa Sekretarieti ya Maadili ya Viongozi wa Umma, Jaji mstaafu Salome Kaganda.
Walioapishwa na mikoa yao kwenye mabano ni Richard Kwitega (Arusha), Selestine Gesimba (Geita), Armatus Msole (Kagera), Aisha Amour (Kilimanjaro), Zuberi Samataba (Pwani), Albert Msovela (Shinyanga), Dk Angelina Lutambi (Singida), Jumanne Sagini (Simiyu), Dk Thea Ntara (Tabora) na Zena Saidi (Tanga).

Wabunge wawinda posho mtegoni

Imeandikwa na Ikunda Erick, Dodoma.

Spika wa Bunge, Job Ndugai.

KITI cha Spika wa Bunge kimesema ipo haja ya kufanya marekebisho ya Sheria pamoja na Kanuni ili kila mbunge apate posho kulingana na kazi aliyofanya bungeni, badala ya utaratibu wa sasa wa kuangalia mahudhurio pekee. Aidha, kimewataka wabunge kubadilika na kuacha tabia ya kuchukua posho za vikao vya Bunge bila kuzitolea jasho.
Kauli hiyo imekuja kutokana na Mwongozo ulioombwa Aprili 25, mwaka huu na Mbunge wa Nzega Mjini, Hussein Bashe (CCM) ambaye alikitaka kiti cha Spika kutoa Mwongozo kuhusu usahihi wa wabunge wa Kambi Rasmi ya Upinzani Bungeni kulipwa posho na mishahara wakati hawashiriki na kutimiza wajibu wao wa kuchangia kwenye mjadala wa Bunge la Bajeti linaloendelea katika Mkutano wa Tatu wa Bunge la 11.
Bashe alisema mbunge huyo alitumia Kanuni ya 68(7) ya Kanuni za Kudumu za Bunge akiomba Mwongozo wa Spika kutokana na Kambi Rasmi ya Upinzani Bungeni, kuamua kutoshiriki mjadala unaoendelea bungeni, lakini wabunge hao wanasaini na kulipwa mishahara na posho.

Ajira za walimu rasmi mwezi mei 2016 _ waziri mkuu aeleza

Waziri mkuu aliyasema hayo alipokuwa akihutubia bunge la bajeti
Mheshimiwa Spika, mnamo mwezi Mei 2016, Serikali inatarajia kutoa ajira za walimu wapatao 40,000 ikijumuisha wa cheti, Stashahada na Shahada ili kukabiliana na upungufu wa walimu uliopo katika shule za Msingi na Sekondari nchini. Zaidi ya shilingi bilioni 17 zitahitajika kwa ajili ya kulipa posho pamoja na nauli za walimu wapya watakaoajiriwa na kupelekwa katika halmashauri zote nchini.
Elimu ya Sekondari
Mheshimiwa Spika, OR - TAMISEMI inaendelea kusimamia utekelezaji wa Mpango
28
wa Maendeleo ya Elimu ya Sekondari awamu ya pili (MMES II) ili kuimarisha Elimu ya Sekondari. Lengo la mpango huu ni kuinua ubora wa elimu. Aidha, utekelezaji wa mpango huu unahusisha ujenzi wa miundombinu ya shule 264 za awamu ya kwanza ambao umekamilika kwa asilimia 64. Serikali inaendelea kukamilishaujenzi na uboreshaji wa shule 264 za awamu ya kwanza na kuendelea na uboreshaji wa miundombinu katika shule nyingine 528

MWENDELELEZO WA HOTUBA YA WAZIRI MKUU   


HOTUBA YA WAZIRI WA NCHI OFISI YA RAIS, TAWALA ZA MIKOA NA SERIKALI ZA MITAA, MHESHIMIWA GEORGE BONIFACE SIMBACHAWENE (Mb) AKIWASILISHA BUNGENI MAKADIRIO YA MAPATO NA MATUMIZI YA FEDHA YA OFISI YA RAIS, TAWALA ZA MIKOA NA SERIKALI ZA MITAA
KWA MWAKA WA FEDHA 2016/17
Utangulizi
Mheshimiwa Spika, awali ya yote napenda kumshukuru Mwenyezi Mungu kwa kutuwezesha kuiona siku ya leo tukiwa na afya njema. Kipekee kabisa napenda kumshukuru Mheshimiwa Dkt. John Pombe Magufuli, Rais wa Jamhuri ya Muungano wa Tanzania, kwa kuniamini na kuniteua niongoze Ofisi yake kwa upande wa Tawala za Mikoa na Serikali za Mitaa. Vile vile, kwa namna ya pekee, namshukuru Mheshimiwa Jasson Constantine Rweikiza (Mb) Mwenyekiti wa Kamati ya Kudumu ya Bunge ya Utawala na Serikali za Mitaa pamoja na wajumbe wa Kamati kwa ushirikiano na maelekezo wanayotupatia katika kutekeleza majukumu yetu ya kutoa huduma bora kwa wananchi.

Magazeti ya Leo Alhamisi ya tarehe 28/04/2016

Headline za magazeti ya Leo zimeletwa kwenu Kwa hisani kubwa ya New Mwalimu Education centre inayopatikana ilula iringa Tanzania katika majengo ya kanisa katoriki elimu inayofundishwa ni kidato cha kwanza mpaka cha sita: muda kuanzia saa kumi mpaka saa moja jioni  Nyote mnakaribishwa  elimu ndio msingi imara 

Rais wa Tanzania avunja bodi ya mamlaka ya mawasiliano.

Magazeti ya Leo jumatano ya tarehe 27/04/2016

Ndugu msomaji wa blog yetu asante sana Kwa kuwa nasi. Usisite kutupatia taarifa inayopatikana mtaani kwako , tutakufikiaaarifa ya tukio lolote. Wasliana nasi Kwa namba +255784428256